Healthcare UPDATE
#TYPHOONODETTE
Dinhi sa ato Municipyo, padajon gihapon na may ato mga kaso nan Kalibanga sanan lain-lain na sakit ugsa man an Department of Health nagpadaya nan kompleto na Medical Team gikan sa Davao Regional Medical Center para mag set-up nan Field Hospital na jadto kuman sa TAKBO ( Cabuntog Lodge). Puede modawat nan mga admissions sa mga sunod:
1. Adult na pasyente
2. Bata na pasyente
3. Pasyente na kinahanglan operahan
4. Pasyente na Manganak
Kompleto sila nan mga gamit sanan jaon sab ila mga tambay na daya.
An Department of Health nagpadaya sab nan Surveillance Team / Epidemiologists para mag imbestigar diri sa Siargao tungod sa outbreak nan Kalibanga.
An ato Out Patient Consult / Konsulta adto na sab sa ato Field Hospital kay an ato MHO na si Dr. TJ iban sa mga volunteer doctors nag Baranggay visits para konsulta ug manambay para sab mahasuod an iban na mga tawo na nasakit sanan masajo an pag tambay sa mga masakiton para dili na sila ma admit.
Sa tanan jaoy bation na sakit mopakonsulta dajon ta sa ato mga doctors or mokadto sa Takbo sa ato Field Hospital.
Salamat karajaw Department of Health and Davao Regional Medical Center!!!